Երևան համայնքի վարչական շրջաններ

Դավթաշեն

Դավթաշեն, վարչական շրջան Երևանում։ Երևան քաղաքի 12 վարչական շրջաններից մեկն է։ Այն սահմանակից է Աջափնյակ և Արաբկիր վարչական շրջաններին։ Գտնվում է Հրազդան գետի աջ ափին, իսկ արտաքին սահմանագծով հարում է Կոտայքի մարզին։ Տարածքը՝ 654 հեկտար, որը կազմում է Երևան քաղաքի ընդհանուր տարածքի 2.9%-ը։ Բնակչությունը կազմում է 42.5 հազար մարդ։

Երկու տարի անընդմեջ դարձել է լավագույն վարչական շրջան՝ Երևան քաղաքի վարչական շրջանների 2012 թ., 2013 թ. ընթացքում կատարած աշխատանքների գնահատման և վերլուծության արդյունքներով։

Ենթակառուցվածքային համալիր `գործարաններ, դպրոցներ, մանկապարտեզներ, ջրամբարներ, լճեր

Վարչական շրջանում գործում է 5 նախադպրոցական հաստատություն, 6 հանրակրթական դպրոց, Ավետ Տերտերյանի անվան արվեստի դպրոց, 1 գրադարան, 1 շախմատի դպրոց, 1 լողավազան, Արդարադատության ակադեմիա։ Ինչպես նաև գործում են առևտրի, հանրային սննդի և սպասարկումների 298 փոքր և միջին օբյեկտներ։ Դավթաշենում գործում է 1 պոլիկլինիկա, Անձնագրերի և վիզաների վարչությունը, ՀՀ արտակարգ իրավիճակների նախարարությունը, ինչպես նաև Հայաստանի ազգային օլիմպիական կոմիտեն։

Հուշարձաններ `

• Հուշահամալիր նվիրված Համաշխարհային երկրորդ պատերազմին
• Դավթաշենի Սրբոց Նահատակաց Եկեղեցի
• Տիգրան Պետրոսյանի հուշարձան
• Դավթաշենի կամուրջ
• Քրիստոնեության 1700 ամյակին նվիրված խաչքար
• Հայրենական Մեծ պատերազմի և Արցախյան ազատամարտի զոհերի հիշատակը հավերժացնող հուշարձան
• Հրազդանի կիրճ

Տաճարներ ՝ 

• Դավթաշենի Սրբոց Նահատակաց Եկեղեցի

Փողոցներ`

• Սասնա ծռեր
• Անաստաս Միկոյան
• Տիգրան Պետրոսյան փողոց
• Գրիգոր Աղաբաբյան
• Փիրումյանների փողոց

Թաղամասներ `

1-ին, 2-րդ, 3-րդ, 4-րդ թաղամասներ